Fagorreko ehunka langilek egin dute bat gaurko giza katearekin

Gure enpleguen defentsan zioten kamiseta gorriak soinean, Fagorreko Arrasateko ehunka langilek egin dute bat gaurko antolatutako giza katean. Lagun Arotik abiatu dira eta Mondragon Korporazioaren atarian hiru itzuli egin dituzte.

_______________________________________

Fagor Etxetresnetako Kontseilu Sozialak galdutzat ematen ditu lan bazkideen diru ekarpen guztiak

Etxetresnetako Kontseilu Sozialak gainerako kooperatiben organo sozialei ohar baten jakinarazi die bazkideen kapital sozialak galduta daudela une honetan, eta baita ez-aktiboenak ere, eta birkokatzeetarako Enplegu Bulegoa ez dagoela operatibo. Aurre-erretirodunek ere kooperatibaren osagarri guztiak galduko omen dituzte pentsioetan.   [Barruan, oharra osorik]

Ibilbidean, Fagor eta Edesako langileen postuak defendatzeko oihuak entzun dira eta korporazioari inplikazio gehiago eskatu die langileek. Gainera, Txema Gisasola presidentearen dimisioa aldarrikatu dute.

Berriro Lagun Aro aurretik pasa ostean, Jose Mari Arizmendiarrieta ibilbidearen hasierako biribilgune parean elkartu eta datozen egunetarako deia egin dute: bihar 10:00etan batuko dira gaurko protesta bera egiteko eta eguenean 16:30ean hartuko dute autobusa San Andresen Basaurin egingo den manifestaziorako joateko.

Ekarpenen arazoan kaltetutakoak

Arrasaten egin behar duten batzarrari dagokionez, berriz, Fagor Etxetresnetaklo kapital sozialeko eta borondatezko ekarpenen arazoan kaltetuta daudenek egingo dute bilera, eguenean, Kulturaten. "Bertan egoera analizatuko dute. Pertsona kaltetu asko direnez, bilerak bi deialdi izango ditu: lehena 9:30ean eta bigarrena 11:30ean".

Manifestazioa, Basaurin

Bukatzeko, oraingo asterako beste manifestazio bat deitu dute; oraingo honetan, Basaurin. Eguenerako egin dute hitzordua eta Edesako lantegitik abiatuko dira. Iragarri dute Arrasatetik autobusak abiatuko direla Basaurirantz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.