Sare sozialek adingabeengan izan ditzaketen arriskuen berri, gaur Kulturaten

Udaleko Prebentzio Zerbitzuak 12 eta 18 urte arteko seme-alabak dituzten gurasoei zuzendutako hitzaldia antolatu du gaurko. Prebentzio Zerbitzuak familia testuinguruak hobetzeko eta gurasoen lanari babesa emateko antolatzen dituen hitzaldien barruan kokatzen da saioa. Oraingoan sare sozialak izango dituzte hizpide, 'Adingabekoak eta sare sozialak' izenburu izango duen saioan. Etorkintza fundazioko ordezkariak izango dira hizlariak; Kulturateko areto nagusian izango da, 18:00etan. Udalaren arabera, "oso interesgarria" izango da.

Seme-alabak gero eta gazteago hasten dira teknologia berriak erabiltzen baina gehienetan ez haiek eta ez gurasoek ez dute jakiten zelan egin aurre sor daitezkeen arriskuei. Sexting-a, grooming-a edo ziberbullying-a dira arrisku horien adibide garbi batzuk.

Jorratuko diren edukiak

Hainbat gai jorratuko dituzte: zeintzuk diren gazteek gehien erabiltzen dituzten sare sozialak, sare sozialetan zein den gazteen perfila eta haien nortasuna, sare sozialen alde onak eta txarrak, jarraibideak eta baliabide praktikoak, kontuen pribatutasun mailaren diseinua, sare sozialetan harremanak izateko moduen inguruko hausnarketa eta ziberbullying-aren definizioa, besteak beste. Hitzaldia euskaraz izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.