4x4 operazioa liburua Joan ziren zikloaren laugarren liburukia da. 60ko hamarkadan kokatutako eleberria da eta bertan "Euskal Herria diktaduraren aurka eta bere eskubideen alde nola altxatu zen" irakur daiteke.
Gogor izeneko apaiz taldearen ekintzak kontatzen ditu Amurizak eleberri honetan. Historia kolektiboa, apaiz mugimendua beraz. Mugimendu haren ekintzarik sonatuena Derioko seminarioko itxialdia izan zen, Bizkaiko 70 hamar apaizek buruturik eta poliziak berehala inguraturik, ia hilabete iraun zuena. Ekintza gatazkatsu haren inguruan islatzen da hamarkada hartako "olatuak" nolako iraulia eragin zuen Euskal Herrian, diktaduraren gordin-gordinean. Gertaera egiazko horren eta beste batzuen gainean, historia harrigarriak sortzen dira, hala nola Dora, Xune edo Talita Markez bezalako pertsonaiekin garatzen direnak.
Amurizaren azken lana Lanku Bertso zerbitzuak argitaratu du.