Giza katea egin dute Edesako langileek gaur Mondragon Taldearen bulego zentraletan. Autobusez iritsi dira goizean goiz autobusez Basauritik eta zentralaren bidearen albo bietara eratu dituzte lerroak. Fagor Etxetresnen Errektore Kontseilua gaur arratsaldez batzartuko da Edesako langileekin.
Batzar gehiago ere izango da gaur arratsaldean: Martin Garitano, ahaldun nagusia, eta Jon Peli Uriguen, Berrikuntzako diputatua Xabier Iturbe Kutxabank-eko lehendakariordearekin bilduko dira 16:00etan.
Barikuan jakinarazitakoa – Basauriko lantegia ere Fagor Etxetresnen gainontzekoekin konkurtsora joan dela, alegia – gaur emango du ofizialki jakitera Basaurin Errektore Kontseiluak. Langileak, txandaka, azaroaren 5etik daude itxialdi mugagabean. Langileek, ordea, errepikatzen dute lantegia bera bideragarria dela.
Biharko, martitzena, mobilizazio gehiago antolatu dituzte: 10:00etatik 11:30era bazkideek espaloitik eta binaka egingo dute Lagun Aro eta Mondragon Korporazio arteko ibilbidea.
Eguenerako, hilak 14, kale-agerraldia deitu dute Basaurin, Edesako lantegitik hasita. Arrasaten, Ordaindu taldekoek bilera egingo dute Kulturaten. Lehenengo deialdia 09:30erako egin dute, eta bigarrena, 11:00etarako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
