25 bat lagun atzo Arrasateko Portaloian "justizia soziala" aldarrikatzeko

Azken hilabeteetako dinamikari eutsiz, atzo ere zenbait herritar Portaloian elkartu ziren justizia soziala aldarrikatzeko. Hileko lehen eguenean elkartzeko ohitura hartu dute eta atzo, azaroko lehen eguena, ez zuten hutsik egin. 25 bat lagun elkartu ziren eta, besteak beste, honako mezuak ikusi ahal ziren: 'Fagor eta Edesa ez itxi!', 'Murrizketarik ez! Denon artean lortuko dugu!', 'Murrizketarik ez! Osasun publikoaren alde' eta 'Arriba los de la cuchara, abajo los del tenedor... Berdintasuna!'.