Naturak sekretu asko gordetzen ditu; askoren ustez, gainera, artelan ederrenak naturak berak egin ditu. Horregatik, Arrasateko Tailaginen Elkarteak egur zati batek ezkutuan gordetzen duen arte hori azaleratzeko hastapen ikastaroa antolatu du.
Azaroaren 18an hasita, ikastaroak 30 ordu iraungo du eta elkarteak Nafarroa etorbideko 33. zenbakian duen lokalean eskainiko dira eskolak.
Argibideak eman eta izenak jasotzeko, antolatzaileek 620 17 42 55 telefono zenbakia jarri dute (Jose Mari).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.