Arrasate Musikaleko ballet, Big Band eta txistulari taldeak, emanaldi bana asteon

Asteon Arrasate Musikaleko hiru talde kalera irtengo dira. Egubakoitzean ballet taldeko neskek emanaldia eskainiko dute Harremanen 20. urteurreneko ekitaldiaren barruan, Amaian. Zapatuan, Ibai-Artek antolatuta, Big Band taldeak kalejira egingo du herriko txoko ezberdinetan, 18:00etatik 20:00etara. Eta amaitzeko, txistulari taldeak dagoeneko urteroko ohitura bihurtu den kontzertua eskainiko du Aramaioko Gantzaga auzoko jaietan. Emanaldia 11:00etan izango da, elizan.