Kultura ukitu nabarmena izango du ekitaldiak: Goikobalu abesbatzak, Arrasate Musikaleko ballet taldeak, Txorbela Otxoteak eta Jon Sarasuak hartuko dute parte. Harremaneko ordezkariek orain arte egindako lanaren laburpena egingo dute eta Ankur zein Mozambiken garatzen ari diren proiektuen berri emateko ikus-entzunezkoa ere prestatu dute.
Harreman Gobernuz Kanpoko erakundeak 20 urte bete ditu eta urteurren borobila aprobetxatu gura dute erakundearen proiektuetan parte hartu eta lagundu duten guztiei esker ona adierazteko. Hala, ekitaldia antolatu dute egubakoitz honetarako, hilak 8, Arrasateko Amaia antzokian. Sarrera doakoa izango da, antolatzaileek ahalik eta jende gehien elkartzea gura dute-eta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak