Zapaturako antolatu dute mus txapelketa Udalpe elkarte gastronomikoan. Bazkideei zuzendutako txapelketa da, baina izenemate epea zabaldu dutela iragarri dute, egubakoitzera bitartean. Bestalde, azaroaren 15erako bazkaria antolatu dute, kasu honetan, 75 urte bete dituzten bazkideak omentzeko.
Bazkari horretan omenduko dituzte aurten eta azkeneko bi urteetan 75 urte bete dituzten bazkideak, izan ere, urte batzuk badira bazkari-omenaldi hori egiten ez dutenik. 75 urteko bazkideak bazkarira gonbidatuta joango dira, baina bertara joan gura duten gainontzeko bazkideek ere ateak zabalik dituzte.
Hori bai, bazkarirako izena eman egin behar da, ahalik eta lasterren; asko jota azaroaren 13a (eguaztena) aurretik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.