Urriaren 29ko osoko bilkuran onartutako udal tasen igoera salatu du Arrasateko EAJk: "Denok ikusten dugu zein egoera larria bizi duen Arrasatek Fagor Etxetresnak kooperatibaren etorkizuna dela medio. Herri osoak sufrituko duen egoera baten aurrean gaude", diote. Hala, jeltzaleek Bilduri eskatu diote arrasatearrekin "keinu" bat izan dezatela: "Zergatik ez du Bilduk, elkartasuna bezalako printzipio kooperatibista garrantzitsuari keinu bat eginez, tasak izozten bailarako beste herri batzuetan egin den bezala?".
Osoko bilkuran tasen igoera horren –igoera orokorra %2koa eta zaborrarena %4koa izan da, iaz moduan– aurka bozkatu zuten udak talde bakarra izan dela gogoratu dute jeltzaleek, prentsa ohar bidez.
"Erraza da erantzukizuna kanpora botatzea"
Era berean, alkateari leporatu diote erantzukizuna "kanpora" botatzea: "Halako egoera baten aurrean errazena da hitz egitea baina erantzukizuna kanpora botatzea, orain dela gutxi Arrasateko alkate jaunak medioetan egiten duen bezala; Fagor Etxetresnak, Mondragon Korporazioa eta Eusko Jaurlaritza inplikatuz, eta Gipuzkoako Foru Aldundia eta Arrasateko Udala kanpoan utziz. Hau da, Bilduk kontrolatzen dituen erakundeetan eskuak garbituz. Osoko bilkuran eskatu genuen bezala, alkateari berriz eskatzen diogu Udala herriarekin inplikatzeko".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
