Asteburu honetan Arrasate Errugbi Taldeko seniorrek Baztani egingo diote bisita eta, bertara eurak animatzen joateko, klub zuri-moreak doako autobusa antolatuko du jarraitzaileentzat. Partidua zapatu arratsaldean izango da, 16:00etan hasita, Lekarozen.
Autobusa, 12:15ean abiatuko da Garibaiko geltokitik. Norgehiagoka amaitzean Arrasatera bueltatuko dira.
Nafarroa aldera edozeinek joan ahalko du. Lekua erreserbatzeko 696334912 telefono zenbakira deitu behar da. Autobusean Kanpanzar Arrasateko jokalariak ere joango dira, hala nola klubeko teknikari eta ordezkariak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.