'Libiamo ne' lieti calici' pieza sonatu eta ospatuarekin behin topa eginda, Opera 2001 konpainiaren 'La Traviata'-k lehen zatitik bereganatu zituen ikusleak atzo. Lehenengo gozamen txaloak orduan etorri ziren baina mirespenezkoak Ainhoa Garmendia sopranoaren (Violetta), Juan Carlos Valls tenorearen (Alfredo) eta Giulio Boschetti baritonoaren (Giorgio Germont) lan bikainek eragin zituzten. Zirraragarriak asko izan ziren uneak baina protagonisten duetoek eta, batez ere, Garmendiaren interpretazioak ikusleei "Bravo!" bat edo beste aterarazi zien.
Lirika zaleentzat gorriz markatutako hitzordua da Amaiako opera, honezkero. Ez alperrik, salmentan egon eta aste gutxira eserleku ia guztiak hartuta zeuden. Eta, horrela, Arrasateko antzokia goraino beteta, Verdiren operarik ezagunenaz gozatzeko gertu zeuden ikusleak. Prest, bai ikuskizunerako eta baita txaloetarako uzkur ez geratzeko intentzioarekin. Libiamo ne' lieti calici, La Traviata-ren brindisaren ereserki ezagunak animatutakoak, obraren zati ilun eta tristeagoetan ere eutsi zion eta txalorik kartsuenak Ainhoa Garmendiak jaso zituen Sempre libera, bakarlari gisara; eta duetoetan baita ere, Vallsekin batera Parigi, o cara, noi lasceremo xarmantean; eta Boschettirekin Dite alla giovine zoragarrian.
Abesbatzak eta orkestrak, muntaia eta partaide aldetik xume bai, baina interpretazio aldetik ederra eta lehen mailakoa izan zen La Traviata borobildu zuten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
