Giro lasai eta atseginean izan zen J.C. Brooks & The Uptown Sound talde estatubatuarraren kontzertua zapatu iluntzean, Amaia antzokiko hall-ean. Gaztemaniak ekimenak antolatutako emanaldian 70 lagun inguru batu ziren eta gustura entzun zituzten Chicagoko boskotearen soul doinuak. Soul klasikoa barik, 80ko hamarkadako soul musika jorratu zuen taldeak, soinu onarekin.
Arrasateko Udaleko Kultura teknikari Karmelo Alberdiren esanetan, "inguruan ez da soula entzuteko aukera askorik izaten", eta "kontzertu polita" izan zela diosku.
Aurretik, Unai Azkarate bergararraren taldeak jo zuen, blues eta rock-and-roll estiloan, eta haiek ere giro polita sortu zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.