Ordenantza fiskalez gainera, diru kontu gehiago ere izango dira aztergaien artean, adibidez, auto-taxi zerbitzuaren datorren urteko prezioak ezartzeko proposamena; eta baita 2013ko aurrekontuaren kredituak aldatzeko espedientea ere.
Horrez gainera, Hiri Antolamenduaren Plan Orokorraren Berrikuspenari dagokion "dokumentua idazteko finkatutako helburuak eta irizpideak aldatu eta osatzeko proposamena" ere aztergai izango dute udal taldeek.
Presoak askatzeko eskaera
Eta mozioen atalean, berriz, bi aurkeztu dituzte momentuz: bata "Bildu udal taldeak aurkeztutakoa, epaiketa politikoak desagertzea eskatzen duena" eta bestea "Herri Bilguneak aurkeztutakoa, Arrasatekoak diren J.M. Zabarte, J.G. Urizar eta L.M. Azkargorta presoak aske uztea eskatzen duena".
Osoko bilkura ekimen publikoa denez, interesa duen edozein joan daiteke biharko batzarrera. 18:00etan hasiko da.