Egubakoitzean hasi zuten txapelketa lehen kanporaketa partiduekin, Musakolan. Atzo goizean ekin zioten final-laurdeneko eta finalaurreko partidei eta arratsaldean final partidak egin ziren.
Amaya taldeko Javier Villanueva eta Oberena taldeko David Marin jokalariak izan ziren finala jokatu zutenak: azkenean, joko polit bat eta gero, Villanueva nafarrak eraman zuen txapela.
Finalaurrekoan, Amaya taldeko Liam Kane ingelesa gelditu zen hirugarren eta Aritz Gordo arrasatearrak laugarren postua eskuratu zuen.
Emakume jokalari gutxi
Lagunarteko giroan igaro zuten asteburuko txapelketa adin, sexu eta toki desberdinetako jokalariak izan arren. Azpimarratzekoa da nesken partaidetza nahiko urria izan zela: bi emakumek hartu zuten parte soilik. AEK Squash taldeko Laura Saez eta Itsaso Villar izan ziren emakumezko bakarrak eta lehenengoak eraman zuen emakumezkoen txapela. Hala ere, lagunarteko txapelketa izan zenez, gizonezkoekin ere jokatu ziren Saez eta Villar.
Debagoiendar ugari jokoan
Esan bezala, AKE Squash taldeko 12 kidek hartu zuten parte Euskadiko Squash txapelketa absolutuan baina 5 izan ziren gehien gehien gailendu zirenak: emakumeetan aipaturiko Saez eta Villar, Junior mailan txapeldun geratu zen Xabier Gorosabel, Aritz Gordo laugarren postuan eta zortzigarren postua eskuratu zuen Harriet Arenaza.
Aritz Gordo arrasatearrak jokatutako finalaurrekoa izan zen partida maitatuenetarikoa ikusleen artean: Liam Kane ingelesarekin berdinduta zegoela bigarren jokoan, Kanek aurre egin zion azkenengoan.