Korporazioak gaineratu duenez, horrekin batera, "gero eta lan-elkarrizketa gehiago" egiten dabiltza Etxetresnetako langileei, eta "azaroan horrek fruitua emango du eta birkokapen gehiago izango dira", esan dute arduradun berberek.
Enplegu Bulegoaren egitekoa kooperatiba hartzaileen beharrak zehaztu eta profil profesionalak definitzea da.
Horrekin batera, joan den eguenean ateratako prentsa oharrean azaltzen dutenez, abiarazi dituzte jada "mekanismoak kooperatiben sustapen unitateen artean negozio berriak sustatzeko dinamikak", enplegu berriak sortzeko helburuz. Bada, osasuna, energia eta ekonomia berdea izango dira landuko dituzten sektoreak eta Mondragon taldeko kooperatiba guztietako sustapen unitateak batera arituko dira lanean.