Lanean da, Korporazioak agindu bezala, Enplegu Bulegoa. "Enplegatuak beste kooperatiba batzuetan berehala birkokatzeko helburuarekin", beharrezkoak diren profilak lantzen hasi dira. Hedabideetara zabaldutako ohar baten bitartez jakinarazi dutenez, lehen birkokatzeak egin dira dagoeneko eta, enplegatu eske, "Taldeko kooperatibek eskatutako elkarrizketa kopurua handitu egin da " ondorioz, azarotik aurrera lanpostu jakin batzuetarako hautaketarekin hasteko.
Enplegu Bulegoaren egitekoa kooperatiba hartzaileen beharrak zehaztu eta profil profesioanalak definitzea izango da. Honekin batera, oharrean azaltzen dutenez, abiarazi dituzte jada "mekanismoak kooperatiben sustapen unitateen artean negozio berriak sustatzeko dinamikak" biziagotzeko, enplegu berriak sortzeko.
Oharrean berretsi egiten da Korporazioak eredu kooperatiboarengan ezarria duen konfiantza. Fagor Etxetresnek sortutakoa "ezohiko arazoa" dela diote baina "betiko ildo histrikotik" egingo zaiola aurre: "elkartasun mekanismoetan oinarrituta (Enplegurako Laguntzaren prestazioaren bitartez), kooperatiben arteko lankidetzan oinarrituta (bereziki, bazkideak birkokatuz) eta erantzukizun kolektiboan oinarrituta".