Musikazuzenean atariaren helburua musika eragileekin elkarlanean jardutea da. Arrasateko Gaztetxekoek Mauka diskoetxearekin batera Musikazuzenean webgunearen hirugarren urteurrena ospatzea pentsatu dute. Musikazuzenean webgunearen koordinatzaile Koldo Otamendik hauxe esan du: "Arrasateko Gaztetxekoekin elkarlanean aritzea plazera da. Kultura tradizional handia daukate."
Webgunean berrikuntzak
Urteurrena dela-eta ez dute ospakizun berezirik egin nahi, kontzertu bat eskaini nahi dute, besterik ez. Hori horrela, proiektu berriak aurrera eramaten jarriko dute arreta. Webgunean, parte-hartzea handitzeko, 2.0 eta halako plataformak sortu nahi dituzte eta urte bukaerarako, gainera, atal berriak sortzekotan dabiltza.