Ipuin saioak antolatu dituzte: astelehenean Kontu Kantoi saioa egin zuten Santa Marinan, umeendako.
Atzo, La Tartana Teatro taldearen eskutik, El Guardian de los cuentos saioa egin zuten Kulturateko areto nagusian, 6 urtetik gorakoendako. Egitarauarekin amaitzeko, gaur bi saio egongo dira helduendako, Kulturateko areto nagusian (19:00): Boni Ofogo kontalari afrikarra –gazteleraz– eta Koldo Amestoy –euskaraz–.
Literatura solasaldiak, gertu
Bestalde, hastear dira literatura solasaldiak. Euskarazko lehen saioa urriaren 30ean izango da eta Brigit Vanderbekeren Muskuiluak afaltzeko liburuaren gainean egingo dute berba. Gaztelerazko saioek, berriz, antzerkia izango dute ardatz; hilaren 29an izango da lehen saioa, William Shaskespeare-n La Tempestad obraren gainean.