Gaztemaniak ekimenaren eta Arrasateko Udalaren eskutik goi mailako soul kontzertua ikusteko aukera egongo da etzi, hilak 26, Amaia antzokiko hall-ean (20:00). Chicagotik (AEB) datoz eta J.C. Brooks & The Uptown da taldearen izena; mundu osoan ospetsua den Mojo musika aldizkariaren arabera, "gaur egungo soul banda liluragarrienetarikoa" da.
Gaur Zaragozan eta bihar Madrilen jo ostean, etzi egingo dute geldialdia Arrasaten, Euskal Herrian joko duten kontzertu bakarrean. Sarrera zazpi euro ordaindu beharko da; sarrerak salgai daude oraindik Udalaren webgunean: www.arrasate-mondragon.net.
'Howl' diskoa aurkeztera
Howl izeneko disko berria aurkeztuko dute zapatuan; 2012ko abenduan Howard Bilerman ekoizlearekin estudioan sartu ostean, aldez aurretik landu gabe zeuden soinu lurraldeetan amaitu dute. Beraz, 2011n argitaratutako Want More diskoko soul gordinarekin alderatuz gero, esan daiteke boskoteak azken lanarekin norabide berri bat hartu duela. Ohikoa ez den proposamen batez gozatzeko aukera egongo da etzi, beraz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
