Hilabetez itxita egon eta gero Arrasateko alderdi sozialistak bere egoitzaren aurre aldean duen Elma taberna eta jatetxea berriro ireki dute. Irail hasieran kontratu amaieragatik itxi zutela jakitera eman ostean, egubakoitzean berriro zabaldu zituen bere ateak.
Hemendik aurrera, taberna ustiatuko dutenen arabera, "aire berri bat" emango diote tabernari. Euren ustez, "aukera handiko lokala da eta kokapena ere oso ona da".
Herritar ugari gerturatu ziren tabernaren berrirekitzera, baina dudarik gabe, gonbidatu berezienak Eibar futbol taldeko jokalariak izan ziren. Ez ziren guztiak gerturatu, baina Arrasatera etorri ziren jokalarien artean, azken urtean oso famatu egin den Jota Peleteiro bera izan zen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.