Laugarren garaipena Ford Mugarrirendako

Arrasatearrek 34-23 hartu zuten menderan Leioako Askartza taldea. Lehen zatia parekatua izan zen, baina bigarrenean erakustaldia egin zuen Pablo Gartziaren taldeak. 20-10eko partziala egin zuen, kontraerasoan oinarritutako jokoarekin.

Ford Mugarriren eta Askartzaren arteko lehen zatia oso parekatua izan zen. Bi taldeek elkar ondo ezagutzen dute: urte askoan elkarrekin jokatu dute Euskadiko txapelketan. Arrasatearrak gol bateko abantailarekin heldu ziren atsedenera: 14-13.

Bigarren zatia oso bestelakoa izan zen. Gartziaren taldeak defensa estutu, eta kontraerasoan bikain jokatzen duela erakutsi zuen. 18. minutuan 12 goleko errenta zuten (28-16). Askartzako entrenatzailek bakarkako defentsan agindu zituen, eta markagailua apur bat txukundu zuten bizkaitarrek.

Txapeldunaren garaikurra

Parrtidua hasi aurretik, iaz, Euskadiko txapelketa irabaztearren garaikurra jaso zuten arrasatearrek. Federazioko presidenteak, Jose Manuel Ruiz de Cenzanok saria eman zion Jorge Santos jokalariari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.