Gaueko Tafyd Krosak girotuko ditu Arrasateko kaleak

Xabier Urtzelai 2013ko urr. 18a, 10:22

Gaur, egubakoitza, Arrasateko kaleak girotzeaz arduratuko da Gaueko Tafyd krosa. 20:00etan hasiko dute 5,7 kilometroko lasterketa herrikoia, Ferixalekuan, eta antolatzaileak lasterketa hasi baino apur bat lehenagora arte egongo dira izenak hartzen. Horrenbestez, azken orduan animatzen denak ere aukera izango du krosean parte hartzeko.

Aurrealdean ibiliko diren korrikalariek erritmo gogorra jarriko dute, seguru, baina antolatzaileek Harmailatik saioan adierazi zuten gainontzeko lasterkariek ez dutela zertan erritmo horrekin kutsatu, eta bakoitzak bere neurrian, edonork egiteko moduko lasterketa dela. Gainera, Arrasateko merkatarien eskutik lortutako sari mordoa banatuko dituzte, atleta azkarrenak saritzeaz batera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak