'Musikazuzenean' atariaren hirugarren urteurrena ospatzeko, kontzertu berezia bihar Arrasateko gaztetxean

'Musikazuzenean' atari digitalak hiru urte bete ditu dagoeneko eta urteurren hori ospatzeko kontzertu berezia antolatu dute urriaren 26rako: Itziarren Semeak, Iheskide, Sermonds eta Anger taldeek hartuko dute parte. Arrasateko gaztetxean izango da, 22:00etan. Sarrera bost euro ordaindu beharko da. Antolatzaileek eskerrak eman gura izan dizkiete orain arte 'Musikazuzenean' ataria lagundu duten guztiei, baita hirugarren urteurreneko kontzertua posible egin dutenei ere: "Mila esker Arrasateko gaztetxeko jendeari, parte hartuko duten musika taldeei, Mauka musikagintzako lagunei, Iker Baxerriri kartelagatik, eta hiru urte hauetan gure ondoan izan zareten laguntzaile guzioi!".