14:30ean gertatu da istripua, GI-627an; Arrasaten izan da, Mecako biribilean. Ondorioz, Renault Kangoo gris koloreko auto bat irauli egin da eta albo batera etzanda geratu da. Bi lagun zihoazen autoan. Horietako bat harrapatuta geratu da barruan eta suhiltzaileak atera dute. Txagorritxuko ospitalera eroan dute Gasteizera. Ertzaintzatik adierazi digutenez, larri egon daiteke. Besteak ez du konorterik galdu eta bere kabuz atera da autotik.
Istripu lekura joan dira ertzainak eta udaltzainak ere. Auto-ilara handiak sortu dira ondorioz; zirkulazioa bideratzen ibili dira ordubetez eta garabiak 15:30ak inguruan jaso du autoa.
Errzainek GOIENAri adierazi diote autoa Aretxabaletatik Arrasatrerantz zetorrela eta bribilean sartu denean barruko ertz bat jo duela eta irauli egin dela eta arrastaka joan dela beste ezkinako hesia jo duen arte. Iraulita geratu da autoa eta hala zegoela atera dituzte bi lagunak autotik. 15:15ak inguruan ipini dute zutik autoa garabiako eta atestatua egiten zebiltzan langileek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
