Udalaren arabera, bi gune horietan badira estuak diren kaleak bertan aparkalekuak daudelako eta kale horietan "nekez" zirkulatu ahal dute autoek bi norabideetan: "Zailtasun hori areagotu egiten da autoak baino handiagoak diren ibilgailuak –furgonetak, kamioiak zein zaborraren kamioiak edo bilketa selektiboko kamioiak– pasatzerakoan", gaineratu dute.
Elkano eta Oñati: sarrera eta irteerako zirkuitua
Elkano eta Oñati kalearen gunean, sarrera eta irteerako zirkuitu bat antolatu da. Eta Udalak dioenez, ibilgailuarekin metro batzuk gehiago ibili behar izatea suposatzen duen arren, zirkulazioa "seguruagoa eta arinagoa" izatea lortuko da.
Era berean, Uriburu kalean Uribarri etorbiderako sarrera debekatu da. Arrazoia izan da ikusgarritasun gutxiko gunea dela eta zirkulazioan "arrisku handia" eragiten duela maniobra horrek. Debekua adierazten duen bigarren seinalea kale horren goialdean ezarri da –7 bis zenbakirantz–; honakoa da arrazoia: "Autoak baino handiagoak diren ibilgailuentzat, adibidez zaborraren kamioientzat, oso zaila da 7bis zenbaki aldera sartzeko kurba hartzea, oso itxia delako".