Mundua ikusteko erak naturan adierazi zituzten Lanbide Heziketako gazteek Garaionen

Atzo goizean Arrasateko Lanbide Heziketako  37 ikasle izan ziren Garaionekoen etxaldean auzolanean. AuzolanArtean izeneko egitasmoan lasto, adar, garo, hosto eta halakoekin artelanak sortu zituzten. Munduari begiratzeko ikuspegiak adierazi gura izan zituzten, hala.

Naturak berak ematen dituen baliabideak erabili zituzten gazteek artelanak sortzeko: garoa, buztina, hostoak, adaskak, lastoa... eta taldeak egi zituzten. Bost puntu handi marraztu eta gune bakoitzean, ideia bat garatuz, artelan bana egin zuten. Rock-and-rolla adierazteko esku bat, naturaren zuhaitza, maitasunaren loreak, lasaitasunaren marihuana hostoa eta mundu bat, natura zaindu beharra dagoela esan eta mundua suntsitzen gabiltzala salatzeko, irudikatu zituztzen gazteek. Jarduera honekin, ikuspuntu ezberdinak izanda ere, elkarrekin gauza asko sor ditzaketela erakutsi gura izan zieten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.