Mondrak galdu egin du Ordiziaren kontra

Ordizian jokatu du gaur arratsaldean Mondrak eta 4-1eko emaitzarekin itzuli da etxera. Gotzon Urzelairen mutilak irabazten hasi dira, Jon Ander Ormaetxearen gol bati esker baina ez dira markagailuari bere horretan eusteko gai izan.

Hasiera ona egin dute arrasatearrek eta lehen 15 minutuetan pare bat gol aukera izan dituzte. Eurak izan dira gola egiten lehenak baina atsedenaldira 2-1eko kontrako emaitzarekin joan dira.

Gotzon Urzelai entrenatzailea taldea animatzen saiatu da aldagelan baina mutilak baxu egon dira bigarren zatian eta Ordiziak beste bi gol egin ditu. Amaieran 4-1ekoarekin itzuli da etxera Mondra.

Entrenatzaileak aitortu du hilabete batzuk barru goian egotea dela euren helburua eta hobe dela honelako kolpeak orain hartzea, gaizki egindakoa aztertu eta hobetzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.