Lehen hiru partiduetatik bi irabazi eta bat galdu ostean, igoera lortu zuten kantxara bueltatuko dira. Xabier Altzelai jokalariaren arabera, ez da igoera faseko "infernua" izango, baina partidu "gogorra" izango da. Taldea babestuago egoteko klubak autobusa jarri du prezio berezian; 14:45ean irtengo da Iturripetik. Eserleku gutxi geratzen dira, eta joan gura duenak Angel Moralejari deitu beharko dio lekurik dagoen galdetzeko (606 06 50 12).
MUk ez du porrota ezagutzen
Josu Larreategiren mutilek jokatu dituzten bi partiduak irabazi dituzte eta aurkariek, berriz, biak galdu: "Azpeitiarren jokoa bideratzen zuten Zubizarreta anaiak ez daude aurten eta hutsune handia izango da eurendako", dio entrenatzaileak. Kanpoan jokatzea nahiago dutela gaineratu du: "Iturripeko kantxa oso labainkor dago eta Aukeakoak arazoa konpontzen saiatu arren ez dute helburua lortzen. Kantxa horrela egonda, epaileak partidua bertan behera uztea ez litzateke harritzekoa izango".