Funk, jazz eta elektronika doinuak nahasten dituen taldea da The Hot Wok, eta helikoia, saxoa, tronboia, bibrafono eta bateriaren laguntzarekin erritmo handiko kantuak jo eta ikus-entzuleak dantzan ipiniko dituzte.
Berritasunak ere ekarriko dituzte The Hot Wok taldeko kideek, euren bigarren lana aurkeztuko baitute gaztetxean. Hala, Main dish diskoak eman dituenak zuzen-zuzenean entzun ahal izango dituzte Kooltur Ostegunak ekimenera bertaratzen direnek.