Era berean, Ikasle Abertzaleak-ek legearen kontrako "ikasle haserre eguna" antolatu dute gaurko hezkuntza gune guztietan: "Norbanako nahiz kolektiboaren eskubideak bermatuko dituen hezkuntza eraiki ordez, herriaren mesedetara egongo den hezkuntza eredua eskaini beharrean, merkatuaren logikaren baitan inposatuko den hezkuntza eredua da Lomce", diote. Aldi berean, zapatuan Bilbon egingo den manifestaziorako dei egin dute: "Ikasle Blokea osatzera deitzen dugu". Manifestazioa Jesusen Bihotzetik irtengo da, 17:00etan.