Maritxu Kajoik aurrekoetan baino objektu gutxiago utzi ditu BAZen

Jokin Bereziartua Lizarazu 2013ko urr. 9a, 13:17

Maritxu Kajoi osteko lehen egunetan lan handia izaten dute Arrasateko Biztanleen Arreta Zerbitzuan, festa egunean galdutako hainbat objektu agertzen direlako eta hainbat herritar joan ohi direlako galdutako objektuengatik galdezka. Bada, aurtengoa salbuespena izan da: "Aurten aurrekoetan baino askoz gutxiago jaso dugu. Harritzekoa da, egun hauetan hainbat objektu jasotzen ditugu-eta. Galdutako objektuen apala beteta izaten dugu. Lapurtutako edo galdutako objektuengatik galdezka 14 dei jaso ditugu; gehienak mugikorrak, diru-zorroak eta poltsak", esan digu Edurne Muxika BAZeko arduradunak.

BAZeko arduradunaren arabera, aurten lapurretak egon dira: "Beste urte batzuetan objektu gehiago jaso ditugu. Aurten, baina, jendea galdezka etorri bai, baina entregatzera ez da ia inor etorri". Izan ere, Maritxu Kajoi egunean desagertutako objektuen artean, autoko giltza batzuk besterik ez dira agertu azken egunotan.

Era berean, objektuen bila datozenekin nola funtzionatzen duten gogoratu digu Muxikak: "Objektua berreskuratzeko asmoz datozenei izen-abizenak zein telefono zenbakia emateko eta objektuaren deskribapena egiteko eskatzen diegu. Objektua agertu ezkero deitu egiten diegu".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak