AEDren Literaturjauziak ekimenaren barruan Harkaitz Cano idazle ezagunaren bisita izango dugu etzi Kulturateko areto nagusian. 'Kontakizuna eta katarsia' izenburu duen hitzaldia eskainiko du, 18:30ean. Literaturaren eta memoriaren arteko loturaz egingo du berba idazle lasartearrak.
Hain zuzen ere, memoriak euskal literaturan duen lekuaz gain, literatura unibertsalean eta, oro har, artean duena ere aztertuko du Canok etziko saioan,
'Hitz ibiltariak', eguenean
Bestalde, Hitz ibiltariak atzeratutako ekitaldia eguen honetan egingo da: "Literatura eta antzerki munduan dabiltzan Arrasateko lau pertsonek eskainiko dute", adierazi du AEDko Itxaro Artolak. Ekitaldia 19:00etan hasiko da Arbolapetan. Alde zaharrean gora joango dira eta laupabost geldialdi egingo dituzte, pintxo poteoa dagoela aprobetxatuz. Tabernaren batera ere sartuko direla aurreratu dute. 20:00ak aldera amaituko da, Seber Altube plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
