Atzerrian bira gehien egiten duen Euskal Herriko taldea da Capsula. Talentu handiz egindako rock indartsua eskaintzen dute, iraganetik eta orainetik barra-barra edaten duena. Euren musikan, besteak beste, honako eraginak aurki daitezke: Stooges, Cramps, Sonic Youth, Television, Bowie... Eguenean Solar secrets disko berria aurkeztuko dute; itsasoaren bestaldean grabatu dute David Bowieren ekoizle den Tony Viscontirekin, eta Europan eta AEBetan, bietan, argitaratu berri da. Diskoan glam, 1970eko hamarkadako hard-rock, garage, punk-rock, power-pop, psikodelia, post-punk eta noise doinuak entzun daitezke. Kontzertua, ohi moduan, gaztetxean izango da, 22:00etan; sarrera bost euro izango da.
Capsulak emango dio hasiera Kooltur Ostegunak ekimenaren laugarren ikasturteari
2013-10-02 18:25
Bueltan datoz Kooltur Ostegunak eta laugarren ikasturtea behar den moduan hasteko, Capsula gonbidatu dute Kooltur Ekintza taldekoek. Argentina eta Bilbotik datorren hirukoteak soinu klasikoa eta modernoa maisuki batzen ditu eta egiten dituzten zuzenekoek ez dute parekorik: "Horregatik, badira urte batzuk itsasoaren bi muturretan onespena jaso dutela". Kontzertua bihar izango, urriak 3, Arrasateko gaztetxean. Sarrera bost euro ordaindu beharko da.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.