0-1koarekin ere Mondrak ezin zituen aukerak golen bat egiteko; Jon Ander Ormaetxea aurrelariak, esaterako, zutoinera bidali zuen baloia. Baina futbolaren legeetako bat da ate aurrean barkatzen duenak ordaindu egiten duela gero, eta hori gertatu zitzaien zerrajeroei: 85. minutuan, korner jaurtiketa baten, egin zuen banakoa etxeko taldeak.
Partidua ikusten egon zen Jon Zabaleta jokalariak esan digunez, berdinketa justua izan zen: "Inork ez zuen irabaztea merezi izan".
Ez da hasiera onena izan
Ohorezko Erregional mailatik jaitsi berri, 2013-2014 denboraldia ez da modurik onenean hasi Mondrarendako. Oraindik ez dute garaipenik lortu –bi lehiak berdindu dituzte– baina okerrena ez da hori: taldean pisu handia izatera deituta zeuden Jon Zabaleta, Andoni Aizpurua eta Julen Losada lesionatuta daude. Azken biek belaunean hartu zuten min lehen jardunaldian.