Hasieran lehia parekatua izan zen, bi taldeek izan zituzten aldeak txikiak izan ziren, pare bat golekoak.
Hala ere, bigarren zatiko hamargarren minututik aurrera, Arrasatekoei atea txiki egin zitzaien. Erasoan ez zuten asmatzen, eta defentsan ez ziren batere fin ibili.
Epaileek ere ez zuten lagundu, erabakiak ez zituztelako berdin neurtzen kantxaren alde batean zein bestean. Hala ere, Garciak argi utzi izan nahi zuenporrota ez zela epaileen errua izan, taldearen baizik.
Euren jokoa egin ezinean
Denboraldian zehar, egun txarrak izan ohi dituzte talde guztiek, entrenamenduetan eta urte osoan zehar landutakoa ez denean inondik inora ikusten. Bada, hori gertatu zitzaion zapatuan Arrasateko taldeari, kantxara guztiz blokeatuta irten ziren eta ez ziren gai izan euren jokoa egiteko. Datorren domekan baina, egoerari buelta emateko aukera on bat izango dute Dominicos Zaragozaren aurka.