Athleticeko beteranoak garaile, Mondrakoen eta Realekoen aurrean

Jende larregi hurbildu ez bada ere, egun berezia izan da gaurkoa Mojategin. Mendeurrenaren harira antolatutako ekitaldien barruan, Mondrako, Realeko eta Athleticeko beteranoek triangularra jokatu dute. Athleticek lehen bi partiduak irabazi ditu (0-1, bi lehiak) eta beraz, bizkaitarrak izan dira irabazleak. Azken lehian, Jon Muruamendiaratz Mondrako aurrelari ohiak etxeko taldea aurretik jarri arren –Alberto Matalobosek erdiratutako korner bat buruz maisuki errematatu ostean–, Realekoek hiru gol sartu dituzte (1-3). Egun ederra izan da jokalariendako batez ere, berriz ere futboleko botak jarri eta euren kirolaz gozatzeko aukera ezin hobea izan dute-eta.

• Mondrako beteranoak, Realekoen eta Athleticekoen kontra