Garagardo berria egiteko Euskal Herriko 200 bat tabernarirekin egon dira, baita mundua osoan zehar dauden euskal etxeetan ere. Helburua, euskaldunok gustuko dugun garagardoa ekoiztea: "Ekologikoa da, artisaua, eta erraz edatekoa. Irail hasieran hasi ginen merkaturatzen eta oraingoz Arrasate eta Gasteizen dago salgai. Pixkanaka zabaltzen joango gara", adierazi digu Nerea Makazaga proiektuko sustatzaileetako batek.
Arrasaten honako tabernan eros daiteke: Hamalau, Rumba, Goizalde, Dublin Irish Pub, Kajoi, Larrinetxe, Muxibar, Egazka, Batzokia eta Belun. Hala ere, beste hainbat tabernetara jo dute eta onespenaren zain daude.
Prezioa, tabernaren arabera
33 zentilitroko botiletan salduko dute eta prezioa tabernari bakoitzak zehaztu beharko du. Ekologikoa denez, botila bi euro eta erdi inguruan saltzea proposatzen dute sustatzaileek.