Ekitaldiari hasiera emateko guztiek argazki ofiziala atera dute Goi Eskola Politeknikoko lorategian. Ondoren, Jon Altuna Errektoreordeak eta Josu Zabala Errektoreak hitz batzuk eskaini dizkie ongietorria emateko eta Mondragon kooperatibaren inguruko funtsezko hitzaldia egin diete, Mondragon Unibertsitatearen oinarriak hobeto ezagutzeko.
Merendola eta jokoak
Hitzaldia eta gero, merendola txiki bat egin dute atzerriko ikasleak euren artean hobeto ezagutzeko. Honi bidea emateko, izotzaldia urtzeko jokoak egin dituzte, bide batez, euren arteko konfidantza bultzatzeko. Amaitzeko, pintxo-poteoan batera joateko gonbita egin diete.