Mondrako beteranoek berriro jantziko dituzte fuboleko botak eta zelaira irtengo dira. Hain zuzen, futbol taldearen mendeurrenaren ospakizunen barruko ekimen berezian hartuko dute parte. Hala, hiruko partidua jokatuko dute, eta talde arrasatearrak Realeko eta Athleticeko beteranoak izango ditu aurkari.
Domekan elkartuko dira Mojategin, 10:00etan hasita. Partidu bakoitzaren iraupena 45 minututakoa izango da, antolatzaileek aurreratu dutenez. Lehenengo eta behin, Athleticen eta Mondraren arteko partidua ikusteko aukera egongo da. 11:00etan, Reala eta Athletic lehiatuko dira eta 12:00etan, Mondra eta Reala.
"Zuzendaritza batzordeak jende guztia animatu gura du partidura etor dadin, mendeurreneko ekimena baita". Domekako partiduak ikusteko sarrera 3 eurotan egongo da.
Mendeurrenaren harira ekintza ugari antolatu dituzte aurten Mondrakoek. "Eta domekakoaz gain, urtea amaitu bitartean beste batzuk egingo ditugu". Oraindik, baina, zehazteke dituztela azaldu dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak