'Maimar'. Horixe izan da aurtengo Espainiako Itzuliko porraren talde protagonista. Izan ere, irabazle nagusia Aritz Azkune izan da, lehenengo eta seigarren postuetan sailkatu da ('Maimar III' eta 'Maimar II'), eta ia 10.000 euro eraman ditu Azkoitira. Bigarrena 'Alan' taldea izan da (Arrasate) eta hirugarrena, 'Unaitxi 2' (Donostian bizi den errenteriarra). Laugarrenetik hamargarrenera sailkatu direnek ere izan dute saria. Arrasateko Monte tabernan izan da ekitaldia, eguenean, 18:00etan.
Horner, Roche eta A.M.Richeze izan dira Azkuneren taldean gakoak, oso gutxik hartu zituzten-eta porran. Baita Matthews, Dani Moreno, Pozzovivo eta Pinot ere, besteak beste.
Hauek izan dira Espainiako Itzuliko porran lehenengo hamarrak, saria irabazi dutenak:
1-Maimar III (9.168 euro)
2-Alan (5.730 euro)
3-Unaitxi 2 (2.865 euro)
4-Cannondale (573 euro)
5-Helter (573 euro)
6-Maimar II (573 euro)
7-Roke (573 euro)
8-Zasta! (573 euro)
9-Arantzazu I (573 euro)
10-Forza Brugno III (573 euro)
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
