Paretan zuloa eginez lapurtu dute Arrasateko Feu Vert auto tailerrean

Goizaldean, Arrasateko Eroski hipermerkatuaren ondoan dagoen Feu Vert tailerrean zulo edo butroia eginez lapurrak sartu ziren. Auto tailerreko segurtasun kutxa eta ordenagailu bat ostu zituzten, eta segurtasun kutxako dirua hartu ondoren, errekara bota zituzten kutxa eta ordenagailua.

Tailerreko langileen arabera, itxuraz Eroski ondoko tabernan ere sartzen saiatu ziren; izan ere, tabernako langilea gaoizean lanera joan denean, leiho bat apurtuta ikusi eta Ertzaintzara deitu zuen.

Ertzaintzak ondoren, Feu Vert tailerrean sartzeko lapurrek egindako zuloa aurkitu du. Tailerreko langileen arabera, lapurrek ondo ezagutzen zuten denda, izan ere, erraz sartu ahal izateko, zuloa, bi apalen artean egin dute. Gainera, zuloa egiterako orduan, segurtasun kamerak jasotzen ez duten toki bat aukeratu dute.

Auto tailerreko segurtasun kutxa eta ordenagailu bat ostu zituzten, eta segurtasun kutxako dirua hartu ondoren, errekara bota zituzten kutxa eta ordenagailua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.