Honakoa eman dute aditzera prentsa ohar bidez: "Mendeetan zehar Euskal Herriak estatu espainiar zein frantziarraren indarkeria jasan behar izan du. Horrek, azken urteetan ere, kaltetu ugari sorrarazi ditu; eraildakoak, atxiloketak, torturak, jazarpen politikoa, adierazpen askatasunaren urraketak, isunak, preso politikoen senideei jazarpenak...
Egoera berria bizi dugu gure herrian, gatazka politiko honek eragindako kaltetu eta biktima guztien errekonozimendua egitea beharrezkoa izango da elkarbizitzan oinarrituriko elkarbizitza baterako. Baina inor gutxik aipatzen dituen kaltetu hauek ere errekonozitu beharra dago; estatuen indarkeriak eragin dituenak. Arrasaten ere adibide asko dago, ekitaldi baten bidez herriratuko ditugunak".
Arrasateko ezker abertzaleak ekitaldi berezi bat antolatu du hilaren 21erako, "egia, justizia eta erreparazioa" aldarrikatzeko. Euskal Herriko gatazka politikoak Arrasaten utzi dituen adibide ezberdinak aipatuko dituzte, besteak beste. Kulturateko areto nagusian izango da, 19:00etan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak