Uda osoan ikusgai egon den jantziak izan duen harrerarekin "harrituta" dago diseinatzaile arrasatearra: "Arrasateko jende asko etorri zait esatera jantzia asko gustatu zaiola; koloreak, diseinua eta bolumen asko duenez deigarria dela. Harritu egin nau, ez nuelako espero herriko jendea bertatik ibiltzea, ezta holako komentario positiboa egitea ere. Oso pozik nago , lan gogorra eta luzea izan zelako".
Amaia Albesen lana ekainaren 12tik dago ikusgai Donostiako Bretxa azokaren ondoan, eta irailaren 15era arte han egongo da. XIX. mendeko jantzia erakutsi du Albesek: "Arrasateko jendea etorri zait asko gustatu zaiola esaten; oso pozik nago, lan gogorra eta luzea izan zen-eta". Hilaren 20an, Donostiako Zinemaldia aprobetxatuz antolatuko den desfile baten hartuko du parte haren soinekoak; Boulevardean izango da, 18:30ean: "Gogotsu nago, ezberdina izango da kaleko giroan desfilatzea; Zinemaldia aprobetxatuko dute jende gehiago egoten delako".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak