Lehenengo partiduan Athleticeko harrobikoek 3-0 irabazi zuten. Talde zuri-moreak egindako 3 akats aprobetxatu zituzten bizkaitarren golak egiteko, eta zuri-moreak, berriz, ez ziren fin ibili ate aurrean. Elorrioren kontra, ostera, partidu parekatuagoa izan zen. Bizkaitarrak aurreratu ziren, baina Mondra partidua berdintzeko gauza izan zen. Hor ere, baina, arazo berbera, ate aurrean izandako aukeratan ezin asmatu, eta partidua amaitzeko 10 minuturen faltan, Elorriok 1-2koa egin zuen.
Partidu hauetatik ondorioak ateratzen dabil entrenatzaile bergararra, eta hutsak konpontzeko erabiltzen. Hurrengo geltokia, Arrasate Hiria, zapatuan.