Goikobaluko erromerixie Arrasaten, irailaren 14an

Zuztarrak Errotuz taldeak antolatu du erromerixie, herriko zenbait talde eta Udalarekin batera. Garai bateko ohitura berreskuratuz, 1950. urte ingurura arte egiten zen moduko erromerixie da egin gura dutena eta egun osoko egitaraua prestatu dute: 12:00etan, kalejira, Seber Altubetik; 13:00etan, Goikobalura igoera, Herriko Plazatik; 13:45ean, txalaparta, bertsolariak, dantzak, sagardoa, taloak...; 15:00etan, bazkaria norberak eramandakoarekin, kantak, trikitixa, bertsoak, jolasak, dantzak...; 18:00etan, Goikobalutik jaitsiera Herriko Plazara; eta jarraian, berbena.