Irailak 14ko Elkartasun Eguneko ardatza musika izango da

Egun osoko ospakizuna izango den arren, arratsaldeko bostetatik aurrera musikak Arrasateko tabernak girotuko ditu. Guztira 20 kontzertu baino gehiago izango dira herriko taberna eta gaztetxean.

Euskal preso, errefuxiatu eta iheslarien aldeko ospakizun solidario honek kurtso hasiera girotuko du. Irailak 14 aldarrikapenez betetako data izango den arren, festa giroan pasatzeko eguna antolatu dute. Goizean umeentzako jolasak egongo dira Biteri plazan, eta ostean, plazan bertan tiketa erosten dutenek parrillada herrikoia dastatuko dute. Arratsaldean, ohiturari eutsiz, musikak hartuko du herria. Jai giro honetan aldarrikapenerako tartea ere egongo da, 20:30etatik aurrera presoen aldeko manifestaldia irtengo da Seber Altube plazatik.

Rock doinuak

Herriko 19 tabernatan banatuta bakoitzean talde batek kontzertua eskainiko du. Lehengo emanaldiak arratsaldeko bostetan hasiko dira eta azkenak gaueko 21:30etan. Gehienetan rocka izango da nagusi eta herriko taldeek presentzia nabarmena izango dute.

Ospakizuna borobiltzeko gaztetxean, 22:30etatik aurrera, kontzertu handi bat antolatu dute. Bertan herriko zein kanpoko taldeen txanda izango da eta Anger edo Kañeria 13 bezalako talde ezagunek joko dute.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.