Aurrera doaz Arrasateko Iturripe kiroldegiko berritze lanak. Abuztuaren amaiera aldera amaituko dira obrak, aurreikuspenaren arabera abuztuaren 31rako. Kiroldegiaren segurtasuna bermatzeko ari dira obrak egiten. Hain zuzen ere, sabaia arriskutsu dago eta hura dihardute konpontzen.
Denboraren poderioz eta euriaren ondorioz sabaiko habeak egoera kaskarrean daude eta horiek aldatzen eta indartzen dihardute Frixinet enpresako langileek. Oraingoz, lanak bide onetik doaz, aurreikuspenen arabera. Horrek esan nahi du ikasturtea hasten denerako, hau da, irailerako Iturripe erabiltzeko moduan egongo dela.
Obren hasierako aurrekontua 100.000 eurokoa zen, baina material aldaketa batzuen ondorioz Arrasateko Udalari merkeagoa irtengo zaio obra.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.