Haizearen eraginez, Gasteizeko Iron Man-a uste baino gogorragoa

Atzo, domeka Debagoieneko kirolzale ugarik Arabako lurretan hitzordu garrantzitsua izan zuten: Gasteiz Challange, edo gure artean gehienok ezagutzen dugunez Iron Man-a. Pedro Gomes eta Ana Casares izan ziren irabazleak 700 triatleta ingururen artean. Baina, Debagoienekoek ere gogor jardun zuten.

Nahiz eta tenperatura ona izan, lasterketa gogorra izan zen atzokoa. Berezko gogortasunaz aparte, haizea izan zen ezustekorik handiena. Izan ere, Ullibarri-Ganboako urtegitik irten bezain laster haizea kontran izan zuten kirolariek Agurainera bidean. Hala azaldu digu Iron Man-ean lehiatu zuen Javier Rayo bailarako kirolariak.

Zoritxarrez Rayok berak ezin izan zuen froga bukatu, baina berak azaldu moduan Debagoieneko eta kasu honetan Arrasateko Antxintxika taldekoek zoriontzeko moduko marka erdietsi zuten.

Bukatzeko, antolaketaren funtzionamendu ona nabarmendu nahi izan du Debagoieneko triatletak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.