IK4k esan duenez, "azken urteetako joera mantentzen eta diru-sarreren bolumena egonkortzen laguntzen du, aurkako egoera ekonomikoa izan arren".
Jesus Iriondok, IK4ko presidenteak; Jose Miguel Erdozainek, zuzendari nagusiak; eta Guillermo Dorronsorok, lehendakariorde exekutiboak, aurkeztu zituzten datuak.
Europako lehenengo 10en artean
Arduradunek esan zutenez, "emaitza horiek, neurri handi batean, enpresa pribatuaren zuzeneko kontratazioak diru-sarrera guztietan duen portzentaje handiari zor zaizkio". Portzentaje hori % 60 da, hain zuzen. Are gehiago; emaitza horiek Europako lehen 10 korporazio teknologiko pribatuen artean koktatzen dute IK4, arduradunen esanetan, eta lehen postuan, enpresekiko kontratuetatik lortutako diru-sarreren ratioari dagokionez.
"Euskal enpresa-sareak etorkizunean krisitik ateratzeko eta susperraldi ekonomikoari laguntzeko I+G+B-ren alde egindako apustua" nabarmendu zuten IK4ko arduradunek, eta azpimarratu zuten horrelako bokazioa duten enpresek IK4n "kide teknologiko ezin hobea" topatzen dutela "enpresentzako eredu eraginkor eta erakargarria duelako".